_-_ // مقتطفـــــات //_-_

عذرك معك ياللي عن العين  غايـب

وانا ادري انه لو هو بيـدك ماغبـت

الحـظ خـاب ودايـم الحـظ خايـب

وان خاب حظي معك معي انت ماخبت

---------------

على رجاك وفالدروب  أتحراك

ليتك تجي وتشوفني كيف صاير

---------------

لو تظلم الدنيا عليّ  لحالي

ذكرك لحالك قادراَ تنويري

---------------

ايه ياروحٍ من اشجار الزمن  مقطوعه /

موتي بروحك لو ان الناس بك مجتمعه

دام كلن يوم جيتي له دفـن  ينبوعـه /

عّودي للموت مالك فالخلايق  طمعـه

---------------

خدرة عيونه وخثرة نبرته وجفالـه ..

وابتسامة شفته ونعاسته  وغروره

كلها عندي حلا الدنيا بكل اشكالـه ..

وكلن يوصف حلا دنياه من منظوره

---------------

جيت لك نادم على ماصـار  منـي :

والله انـي مانويـتـك بالخيـانـه

بس جاء غيرك واخذني غصب عني :

مافـرق عنّـك وزاد الا بحنـانـه

---------------

أنبتني

بالحـب

وأنت

السحـايب ,,

ومادام

رحت

وغبت

من يسقي النبت ؟؟

---------------

خل القدام من الليالي تجدد

ونعيد وقت ً لذته في تواجدك

ونخلي الضيقات عنا تبدد

وتأخذ .. حناني مثل ماني

معـّـودك .!

---------------------

لا ابطت عليّ وجيت اعاتبها يبكيها العتاب

واناا ليامنها بكت

حرّمت

وقت عتابها

---------------

يوم غابت قلت مالي دامي مهاجر وراحل /

غير ذكراها لعل النفس يلهيهـا  مناهـا

ولا بقالي غير حلمٍ يجبر العوج  النواحل /

والله انـه حـلـم عـمـري لــو  :

يشيل اسمي ضنــاهـا

---------------

من ذاق قلبه ..

حنان

منقضات الجـديل ..

والله

لتشتاله الدنيا

على

متونـها

 

---------------

اليا لفاني منك طيف أستضيفه

الين

دنياي

امتلت منك

أطيــاااااف

---------------------------

ان

متّ

سبة بعدها فأني معذور ..

ماحدني للمر

غير اللي امر

---------------

كم على الأرض من مبلي وكم من معنّا /

وكم قلوبٍ عنا غبـر الليالـي غبنهـا

وكم حزينً على العيش الكـدر ماتهنّـا /

لاضحك ضحكتن لابـد يدفـع  ثمنهـا

---------------

لو ضاقت الدنيـا عليّ

القى بقلبك منزلي ,,

هو ديرتي

ياجعل يبقـالي

وتفدااااه الديـار

----------------

الحنين يقودني لك يالحبيب الغايب

ذكريات الوصل

تشقيني

الين

اجي لك !!

----------------------------

,,تبقين لو مانتي قريبه من العين  

أعز

وأغلى

من جميع القرايب

--------------

عمري كما نهرٍ على ضفّة الخـوف :

قلّي بربك كيف ابـ.. اسلم واعـدّي

كنّي مكبّل مـن عذابـي ومكتـوف :

وقلبي احسّـه مـن صوابـه ينـدي

---------------

لاتحدثنا .. وكلن زاد ملـح  أقوالـه /

قمت اعجل في كلامي لأجل يبدأ دوره

ولا حكا واخجله شوفي زاد بأستعجاله /

وضيّع وخالط كلامه بسمةٍ مكسـوره

---------------

أشرق غلاه بقلوب الشعب بأشعاع  نور

تغرب شموس وتفيض نفوس قبل يغرب

وأن قلت عبدالعزيز اهتز فـيّ الشعـور

من يقدر يوصف التاريخ ياهـل الأدب

---------------

دمعتي هلها جـور العـذاب  الأليـم /

ليت يـدك مسحتهـا يـوم هليتهـا

كان زعلت قلبـك فالمسامـح كريـم/

مد يمناك شـف يمنـاي  مديتهـا

دامه الصلح خير وخير قلبك  عميـم/

ياهنا جروح روحي كـان راضيتهـا

لك بساتيـن قلبـي ميلـت للنسيـم/

كيف تورق وتثمر وانت ما ارويتها؟

-------------------

كن الفرح

طفلٍ ولد ماله عيـون

لاسار في دربي عجز لايدله ,,

لامن طلبت العون

مامد لي عـون

ياكـود عونٍ من وراه

المــذله ..!

---------------

الحال يدمي القلب ويبكّي العين

وامة محمد جرحها اليوم نازف

الدين غرب والعرب   مستحلين

حر .. وحرير ومسكرات ومعازف

-----------------

يحن قلبي على طاري الغلا والوداد

ويلوح لي فالسماء طيف الحبيب البعيد

وامشي على اثره وهو كنه يزيد البعاد

كلما اقطع البيد من دونه يزيدن بيد

---------------

العالم اصبح بين شامـت وحسـاد

والارض ماعـادت تحمـل زيـاده

ضاقت نفوس اهل الونس والعنا زاد

كل من اللي شاف ضيـع رشـاده

كره وحسد وقلوب مليـا بالاحقـاد

واللي سمع له هرج عاده وزاده

---------------

شيً بصدري لي زمانً مخبيه

ودي أقوله !!

لكن

اشلون اقوووله ؟؟

اخاف لاجيت اتكلم

وابّديه ..

يفهم على مفهوم

ماهو بحوله !!

-----------------------

مشتـاق ,,

والشوق يحملني بلا راي ,,

كني مجّنح للسحايب وراقي

----------------

راح الكثير ولا بقى غير القليل ..

يالله ترحمني بحسن الخاتمه

العمر روّح .. لارفيق ولاخليل ..

والحزن في العوج النواحل كاتمه

-------------

هايم .. ومتشفق .. على يومي الجاي

ولـي هقـوةٍ ماجابهـا كـل هاقـي

والحزن يلحقنـي واعجـل بممشـاي

ومن فرحتي عجز الحزن عن  لحاقي

------------------------

فاقداً بنـت الكـرام.. الغضـه.. المحشومـه

وخايفٍ لا الشوق ياخذني واصيح ازهمها

خبـري ابـهـا مـثـل حـلـمً قاطعـتـه القـومـه

ذكـريـاتً ودي ارجــع واغـفـي واحلـمـهـا

--------------------

ماخذيت من السفر ياكود زود الضيقه

ضيقتي دايم بصدري .. رايحٍ ومعّود

صرت طيراً ماجداه الاكثـر تحليقـه

مايوّقع غير لامن الفضا بـه  سّـود

انقل حمول العذاب اللي عجزت آطيقه

ويل قلبي من حمولٍ كل يـوم تـزوّد

آتعلق بالصبـر.. ياشينهـا تعليقـه

والسنين اقفت وقلبي بالصبر  متجّود

--------------------

كانت اذا جا العيد جتني والزمن بالوصل طاب

تعايد عيونـي وانـا اعايـد نهـاراً جابهـا

وتقوم تورد لي طواريق الفتن من كل  بـاب

وتفتن عيوني في حلاوتهـا وزيـن ثيابهـا

وتمد لكفوفي كفوفاً زانها نقـش  الخضـاب

وانا .. اتنعّم بالدفا وانسى نقوش  خضابهـا

راحت بها الدنيا وصافي الجو غطاه  الضباب

واصبحت في حالً عسى الأصحاب  ماتبلابها

لغيابها حسره ..

لغيااابـها حسره ...

لغيابها حسره .. وانا قلبي مكدره الغياب

الله لايسقي نهـاراً حـلّ فيـه غيابهـا

--------------------

من تفّكر في صروف الوقت هّل دموعـه

كيف لا والحيله اللي في يديـه  الدمعـه

لاجلس وحده .. وفارق صحبته وربوعه

ينفطر قلبه على وقت اللقـا والجمعـه !

عقب ماولّع للحظات الوصـال شموعـه

انطفت يوم اقفوا الاحباب شمعه .. شمعه

-------------------

أقبل يابـو طـرفٍ حـور لاتـردد

ماظن له داعـي حيـاك وتـرددك

بالوصـل عّجـل لاتقـوم اتصـدد

ماني بقاعد طول عمري اجاهـدك

في صدّتك كـن الوسيعـه تسـدد

وكن انشراح الخاطر وضيقه  بيدك

خل القـدام مـن الليالـي  تجـدد

ونعيد وقتً لذتـه فـي  تواجـدك

ونخلـي الضيقـات عنـا تـبـدد

وتاخذ حناني مثل مانـي معّـودك

ونعيش في حـبٍ فضـاه  يتمـدد

وتسعدني بقربك وفي قربي اسعدك

مكاسبـي وقـت اللقـا  ماتعـدد

من قبل حل العيد اعيّـد واعايـدك

من شوقي لشوفتك قمـت  اتـودد

ومن خوفتي فرقاك ودي  اجـودك

وابي تجـاوب بالجـواب المحـدد

قلّي ظروفك كان به شـي يبعـدك

كانـك لغيـري هـاويً لاتــردد

همّل هواي وروح .. والله يساعدك

----------------

حلم (( السعاده ))

داخل الصدر مدفون ,,

من يحفره ..

يفنى

وهو ما وصّل له

-------------------------

أخلّي التفكير منّك خااالي ,,

ولا ادري الا

وانت في

تفكيـــري

---------------

عاد لي محبوب قلبي عقـب جفـوه

من بعد ماطال عن عينـي  غيابـه

جا لقلبـي يرتجـي طيبـه وعفـوه

والعذر جابه ودمـع العيـن  جابـه

قال ليتـك تغفـر لمغليـك  هفـوه

وانت صدرك بالرضا ما اوسع رحابه

انت حلم العين في صحـوه وغفـوه

شوفك يبـدد عـن الـروح الكآبـه

قلت والقلب الـذي كـدرت  صفـوه

كيف ينسى منك حسرتـه  وعذابـه

قال قلبك فـي شتـا الايـام دفـوه

ولا اجدبت دنياي .. جا مثل السحابه

مدتي تقصر وهـو مدّتـه  ضفـوه

مـاورد للحـب وقفـه وانقـلابـه

قلت : مشكلتي بطيبٍ مانـت كفـوه

سامحٍ لـك والزعـل قفلـت بابـه

---------------

ما فالليالي سعه .. والضيق يقفاه ضيق

غبر الليالي من يدور وراهـا سعـه  ؟

السالي تحده وتقطـع عليـه الطريـق

يسلى ولايدري الا .. والبلاوي معـه

---------------

على كثر ما مرني من مصايب !!

نسيتها .. والحين من (( بعدك )) انصبت ,,

رحلت عن عيني بليا (( سبايب )) !!

وانا أحتـرق .. لأني ما احس اني اذنبت

-----------------------

يـادروب الشوق .. رديني عن التشويقه ,,

الغلاا من عقب ماهبت هبوبه هـّود ..

يوم طااالت غيبة الغايب نثرت ابريقه ,,

وصرت في عمري لحالي عايشً متعّود

---------------

الشتا هب .. والبرد المهيل أنكفـا

وصرت مالي ذرا في بارد العاصف

وقمت ادورك ياقلبً ملـي بالدفـا

انتبه طالبك .. لاتبـرد  العاطفـه

---------------

رحت أجدد باقي الذكرى على درب السواحل

واتذكر فتنةً كانت منـى الـروح وهناهـا

وأتذكرها معلمة النحـل هجـر  المناحـل

ذاق شفتها وصار جوارها ومـن قطناهـا

---------------

خلوني ابكي بعدهم والهم فـي قلبـي  دفيـن

صكت على قلبـي غرابيـل الزمـان وهدتـه

صرت اتبع الهوجاس واسري لاذكرت الغايبين

كني يتيـمٍ مالقـا امـه .. راح يتبـع جّدتـه

---------------

ياليتني قد عشت وقـتً تـوار

واليوم ياليتي من اعداد الأموات

قامت مقابيس المصايب  تبـارا

وناراً تشّعل عقب ناراً مطفـات

قامت تلاطم مثل موج  البحـارا

وعشنا وشفنا للقيامه علامـات

---------------

جت تعايد ب(( عيد الحب )) بنت الدلال

وكلها احمر على احمر.. جعلها ماتفيـد

قلت ماني معّيـد معـك عيـد الظـلال

غير الأضحى ويوم الفطر .. مافيه عيد

---------------

كم شجرةٍ جيت أدور لي تحتها مقيل

وحتّت ورقها وعّرت فوقي غصونها

واليا رميت الهموم بسهم صبرً  جميل

اما يجي خلفها .. والا  يجي  دونهـا

---------------

ياميّت النار .. لاتحمل  ثقيل  الحمـول

اترك حمول الثقـال لشايليـن الثقـال

أسكت وخل الرجال اهل الفعايل تقول

شرواك عيب يتكلم في حضور  الرجال

--------------

صّديت عيني عن الدنيـا وزينتهـا

ماعاد أبيها بعـد زادت  بلاويهـا

دنياً تضيم القلوب بفقـد أحبتهـا

كم من قلوبً كمدها فقد غاليهـا

ويااويل حاالي من أيامي  ودورتهـا

الله يستر من اللـي فـي  مخابيهـا

اليا انكشف سترها عن بعض شدتها

قلبي تعنيـه .. وعيونـي تبكيهـا

---------------

سويت طيب .. ومعك ماينفع الطيب

لو كنت داري كان معك اتـردا  !!

---------------

خلّك بعيد .. ولو جذورك قريّب /

فارق دروبي دام هذي  طبايعك

منسبك طيب غير مانته  بطيب /

مادامك أتتّبع سوالف ربايعك

---------------

ما اصبحت يوم الا وذكرك على البال

الله يسامـح بالـي اللـي  يجيبـك

لو ان هجرك طـال والضيـق لازال

لكني اعرف كبـر قلبـك  وطيبـك

---------------

حنيت

و

أشتقت

و

بكيت

و

تكدرت //

وأصبحت من عقب السكون أتطّير !!

وش كنت وقتٍ فات واليوم وش صرت //

الله ليتي في حياتي مخيّر !!

ماكنت فيني يامنى خاطري برت //

وخليتني بيدين همي مسّير !!

يوم انت غرتك السنين وتغيرت //

وانا .. أحسبك طول الزمن ماتغير

--------------

تقفين ..وابذل جهد حتى  تعوديـن

وابدأ اهينك بالرسايـل  وأسّبـك

عشان لاضايقـك فعلـي ترديـن

وأقول لك كل الحكايه (( أحبك))

---------------

طاب حظك .. وأنا حظي بعمري  ردي ,

انت سالي وانا فـي دنيتـي  ماسليـت

ضاع عمري معاك وضاع معك  اجهدي,

وبعد ..مامر بي في عشرتك وش جنيت ؟

من ظماي لحنانك .. في رجاك آعدي ...

وآخرتهااا

قضيت من الظماا مارويت

---------------

معاد أحلم وما عاد أتمنى في حياتـي شـي..

مدام أن امنياتي كلها راحـت  وخلتنـي

على الرمضا وفي لفح السمايم مالقيت الفي..

ولاباقي من حمول العزاير ماحمـل  متنـي

فنيت وكل شيً داخلـي ميـت لونّـي حـي..

مسمى حـيّ لـو أن النوايـب قـد توفتنـي

من أحساسي عطيت ولا بقى شيً تمـد أيـديّ..

ويوم إني بغيت إحساس خلق الله وش أعطتني ؟؟

بجوفي زهرةً جاها الذبـول ولاغمرهـا الـري..

قصر عنها الحنان وعلّت إحساسي  وعلتنـي

---------------

ضقتي وأنا لاضاق خفاقك أعرِفك !

قلتي أخونك مير أنا كيف أخـونك

وأنا ليا غبتي وغابـت  سوالفـك!

جاذبت مع طيفك سوالف عيونـك

---------------

رافقته بعمراً غـدا بيـن أياديـه ..

عمراً ما ظنّه ينسّـي  بالسهولـه

كم ليلةً صـبّ بفـؤادي حكاويـه ..

يسكب حروفاً من شفاه  معسولـه

قلبه بحر .. وأشواق قلبه شواطيه ..

لاجاء خذا بي داخل البحر  جولـه

---------------

أقبلت أحط ّ من المعاذير وآشيـل ..

مره تجي وافـي ومـرات جافـي

وأقول وافي .. لو قطعت المواصيل ..

لو درب وصلك دافنته السوافـي

حببت قلبـي بالليـال المقابيـل ..

أرجيك .. دامك فالحياه إمتعّافـي

---------------

هب الشجن واستحضر البال طاريك  ،،

 وازريت لاطعم دنيتي من رحيلك

تطرين لابعثرني الفقد وادعيك ،،

 ياساكنه فالروح ياآآآآ حبني لك !

---------------

فراقك أصعب شي في دنياي

وموادعك ياغايتي .. موتي

حل الرحيل ولا بقى لي راي

الدمع في عيني وفي صوتي

برحل وانا الّوح لك  بيمناي

اخير من توديعي .. سكوتي

---------------

تخفي عليّ الحزن .. ماودك  إيبين

وأنا أشوفه في  نواظـرك  بايـن

حزنً تدسّه .. تكشفه نظرة العين

يبين لي من يوم عينك تعايـن

---------------

ماكل من طال عمـره لـه مقـامً كبيـر !

كم شايـبُ راح عمـره مابـدت طيبتـه

لو له ثمانين عام يظـل قـدره  صغيـر !

تكبـر سنينـه وتكبـر قبلهـا  خيبتـه

ماحصّل النعم في عمره ولا طـال خيـر !

شايب .. // لكّن التراب مضمخً شيبته

---------------

فارقتك أمس رحـت مـع غيـر اليوم

 و من عادتي لاأصبحت ما اذكر "غداي أمس"

---------------

قالت وش اللي يشعرك  بالخوف ؟

وإنته رجُل نجدتك مـن يمنـاك

قلت اسمعي قولي على المكشوف :

ما اخاف لو دارت بي الأفـلاك

والموت والفقر وكفاف  الشوف ..

ماخافها ,,  ( وأخاف من فرقاك ) !

--------------

صـدري يفـوح .. ولا تهيـا للهواء ياويلـه

لانشّتـه هبـه بهـا ريـح الزمـان  الخالـي

وقتً لو اطمع في رجوعه لا انتهض واعدي له

لو كان في وادً سحيق .. او راس ضلعً  عالي

---------------

سقت الخطاوي في متاهات  الأيـام

وأبعدت لو ماني  بمسـراي  مّـدل

الذكريات تسوق فكري من العـام

وتعيـد ذكـر أم الحريـر المجّـدل

وأصيح لاجارت على القلب  الآلآم

وأقـول عّـدل يازمانـي وبّـدل

إن عشت والله لأقطع الدرب  قداام

وإن مّت قولو " ضاق " فوق المعّدل

---------------

ماقول طاح الدمع من يوم فرقاك /

ولا اقول زادت طولة البعد كبتي

أقول واللي زاد حسنك وسـواك /

غابو جميع الناس من يوم غبتي

---------------

كفا عيونك سهر .. راح المساء وأقبل علينا النور ,,

تعالي غمضي عيونك .. وحطي راسك ..  ونامي

وخلي الحلم يأخذنا سوى يـأم العيـون الحـور ,,

أباخذك بيدينك .. في فضاي وديـرة  أحلامـي

---------------

بكـره ليـا مـن كبـر سنـي

وحالـي تّبـدل بغيـر الحـال

أبقـي معـاي وعلـى  ظنـي

ولا تلـقّـي لغـيـري بــال

واليـا تنشـدك أحـد عـنـي

قولي طفل .. في جسد رجال

---------------

ماضاق صدري من  تغلّيـك ::

لأني أصـلاًً .. مـا أعّـدك

إن جيتـي .. الله لايحييّـك ::

وإن رحتي .. الله لايردك

---------------

العيد يومّنا سواء في ضحى العيـد

مهوب عيد أنا هينا وأنتي  هنـاك

يومك معي .. عيّدت ياشيخة الغيد

عيدي بشوفة زولك ونقش حنّـاك

واليوم دامه مرّ بي وأنتـي بعيـد

ماني معّيد .. دام الأعياد ويّااك

---------------

نخاف من الرحيل .. وكل نزال لغده  رحـال

ولـو إنـا تجاهلنـا المفـارق .. ماتجاهلنـا

كذا الدنيا .. ولا أحداً في حياته مستريح البال

نواصل ناس .. وصدوف الدهر تقطع تواصلنا

---------------

لو أبني مشاعر ناس وأجبر خواطر ناس

تراني من الحزن آتهدم من الداخل

---------------

جيتك على درب الرجا فاتر  الحيـل

بسمتّك قدامي .. وموتـي  خلافـي

سريت في دربك بقطعً مـن  الليـل

نحو الربيع الباسم احمـل  جفافـي

أقبلت احط مـن المعاذيـر واشيـل

مره تجـي وافـي ومـرات جافـي

وأقول وافي لو قطعـت المواصيـل

لو درب وصلك دافنتـه  السوافـي

قلبك اعرفـه عايـلً مابعـد عيـل

لو كان بعض أحيان مرهف ودافـي

حبـك تملكنـي وذوقنـي الـويـل

ناشدك بالله من لظى الويـل كاافـي

فيني جرى نهر الهوى جريت السيل

و أنا أنقلك من غبّتـي لا ضفافـي

يا اجمل ثمر يجنى ما بين المحاصيل

لولاك محصول المحبه ..  عجافـي

ودي بشوفك ليل يـا فتنـة الجيـل

والليل ضافي وأنت بالزين  ضافـي

تحت القمر نجلس سوى مثل ما قيل

واحكي معك .. واصارحك  بالخوافي

وادللـك وأنتـه تجينـي بتدلـيـل

ونذوق ينبوع الهوى عذب صافـي

قل تم .. وأنس القلب جور الغرابيل

هذاي جيتك .. والمواجـع خلافـي

---------------

وقتي اللي راح .. ياوجـدي علـى مرجاعـه

يـوم قلبـي ماعليـه ,, وحالتـي  مستـوره

ضقت من وقت يزّود فـي حشـاي أوجاعـه

شفت فيه اللي يطّلـع خاطـري مـن طـوره

راحـو عيـال القبـايـل لـلـردا  تبـاعـه

ولّدو الأنظار .. في (( كوراً )) يطارد كوره

---------------

تايه .. وخطواتي غوت عن  مسـاري

أمشي ولا أدري وين تنقلنـي خطـاي

تذري على دربـي هبـوب  الـذواري

وإن جيت أبرجع ماعرف وين  ممشاي

لي راي .. أدافع عنه بـأول  نهـاري

وإليا ضواني الليل .. ماعاد لـي راي

أجلس رهيـن لضيقتـي  وإنكسـاري

وأبكي .. وأنا فالصبح متعايب  بكـاي

أنّـدس عـن هـمً لدربـي مـبـاري

ماكنـت داري بـأن همّـي  بمخبـاي

عليّ ضاقـت شاسعـات  الصحـاري

والأرض كنّ أبعادها.. (( كبر يمناي))

يادرب .. كان لسيرة الوصـل طـاري

بنتً خذيت أقدامها .. ردّهـا  جـاااي

أخذتـهـا مـنـي ولاكـنــت داري

بأنـي بليـاهـا وحـيـداً بدنـيـاي

كانت كما الماء بيـن أيـاديّ جـاري

واليوم كيف " أروى " مدام أنكفا ماي ؟

---------------

الجفا طال .. عّود يالوصـال القديـم

وأنه مأساة روحً بالجفا ..  أنهيتهـا

صّدتك فالصميم .. ونفذت من الصميم

فآآخر الروح أثرهـا يـوم قصيتهـاِ

------------------

في تالي الوقت .. ماعدنـا علـى مانحـب

(نصبح على خير) ونمّسي (ماحنـا هلـه )

عشنا وشفنا مـن أيـام الزمـان  العجـب

كم سلم نقبل عليـه .. وقبـل مانقبلـه ..!

تداولتنـا الخطـوب مفـرخـات الـكُـرب

وقامـت تناسـل ولابـه كـرب  ماتنسلـه

يصفق بنا عاتـي الأيـام وسـط  المهـب

ونبغى الهدى والدليـل اخلفتـه  البوصلـه

فالصبح نخشع .. ولاجاء الليل (نلعب طرب)

العقـل صابـه تبّلـد .. والفـؤاد إنبلـه !

----------------------

قـرّب زمآن « الوصل »

~ من عقب البعآد ~

قّرب لقـآ المزيونــ ﮧ { الله يجعلــ ﮧ ،،

من فرحتـ ﮯ كن الفرح عمّ البلاد ..

سعادة القــلـ ــب الحزين مهّولـــ ﮧ

حلمً // ~ (حلمتــ ﮧ ) ~

وقت الايام الشداد ..

بكره على حلو الليال .. أؤلــ ﮧ }

---------

للجفا ماضين .. ما للوصل عوده

دامـها حظوظ الزمن .. ماحالفتنا

إنتهينا .. والهوى ذبلت وروده

والهجر .. سالت سيوله وجرفتنا

القلوب اللي مباديها حقوده

فرقتنا عن هوانا .. وصرفتنا

كن قلبينا على الحب إمحسوده

مابقى أحداُ مادرى في سالفتنا

فرحهم بفراقنا جاوز حدوده

سددوا كل الدروب لمعرفتنا

كل منا دمعه يجّرح خدوده

نشتكي وقتاً هبوبه خالفتنا

ناقص الأحزان .. فرقانا تزوده

والزمان أيامه السودا .. لفتنا

دام واجه حبنا شيً يكوده

نبعد وذكرى الغرام موالفتنا

الله يفّرج لنا من فيض جوده

مدتّه .. عن مدة العالم كفتنا

نمضي لدنيا المفارق .. دون عوده

دامهاا حظوظ الزمن .. ماحالفتنا

-----------------

كثر خير خفاقن تجمل ثلاث آعوآم

يبا المكسب وعّود من الكسب متخسر

رسم له دروبٍ بيض في موطن الأحلام

وماتت حلومه قبل لاياجد مفسر

تعثر فرج دنياي والضيق حظه قام

وأنا آنخـى جناب اليسرلاطل متعسر

رحلت وحملت اللي تيسر من الآلآم

لو أن الآلم مافيه لين ومتيسر !

------------------------

الصدر مقبوض

من فعل [ العنا والهموم ] !

و( مواري الهمّ ) .. والحسره عليّ بيّنه

خلّت

بـ عيني صواديف الليالي

وسوم !

والخافي أعظم .. وما يبدي النظر عيّنه

-----------------------------

ما أطفيت جذوة شوق .. ياموقد الشوق :: شفتـك وزاد الشـوق يـوم  ألتقينـا

جينا .. ولا كنا وسط زحمـة  السـوق:: ولا ذهنّـا .. الا تمـاااسـك يديـنـا

نحكـي ولاجبنـا خبـر لأي مخلـوق :: وفي غفلة احـلام  الهـوى  ماصحينـا

واليا أنتهيت وشّب قلبي عـن الطـوق :: أقـول: صـبـرك تـونّـا مابديـنـا

أبحر بلا مجـداف فـي ساحـل المـوق :: وابطيت ماشفت آخر المـوق ..  مينـا

قلتي : أبي لي شي مـن قلـب مـرزوق :: وخليت كل القلب معـك .. وسرينـا

----------------

هونّ عليـــك الهــــم لاتجـــزع منـــــه

ياللي تبوح لخـــــافقي ممـــــا دهـــــــاك

ماهان همــــــك لو عليـــــــك اهونه

ولاهنت لوهوّنــــــك في عيني خطاك

لاتبكـــــي وتحكي بــــــذل ومسكنه

حكيـــك كسر قلبي قبل يبدا بكاك

فيمــــا مضى سرك بجوفــــك تدفنه

واليوم يــــــوم احتجتني تظهر خفاك

من عــــــــاش عمره والخيانه تسكنه

لابد مـــــايــــورد مـــــواريد الهلاك

قلبٍ غدى دارك وحطــــــك موطنه

وراك خنتــــــه .. قلي بربك وراك

اعطاك من عطفـــــــه وطيبة معدنه

يرجـــــي عطــاك ولاخذا مما عطاك

وخـــــاويت من يؤتى الحذر من مأمنه

اللي خذاك ولاعــــــرف قيمة غلاك

قدمت له من صـــافي الحب احسنه

ياحظه اللي ماوفــــالك في وفـــــاك

وأنا درى قلـــــبي بحـــــالك واحـزنه

ومادام جــــتْ منّك بخليك بهواك

واليوم يوم اصبحت حكي الألسنه

لغيرك اقفى رافع الـــراس ونســـاك

وهمٍ تشكّى منه مـــاعنك وعــنــه

عساك ماتلقـــــى من الضيقه فكاك

--------------------------------

"بسمتك منهو قراها" مايضيق // وده أنه بعـد يقراهـا ينـام

ولو تبين الصدق ما وده  يفيق // مابعمره بعد  بسمتك  إهتمام

-------------------------

على العيص زلزال .. وعلى نجد هبّ إعصار

وعلينـا علـومً كـل ليـلً ويـوم تشـيـن

نطالع ( خبر عاجل ) على نشـرة  الأخبـار

وصكات بقعاء كل ما اضحـى نهـار  تبيـن

ندّور عن السجّـه .. ونعـدي مـع التيـار

ولامن دلهنا حيـن .. شفنـا غثانـا حيـن

----------------------------

ليالي الوصل .. يا مدعوج الأعياني :: لا عاد تجري وراها .. ولا  تطّريها

روّح .. ودّور بدالي واحدً  ثانـي :: الصحبه الخايبه ..  ماني  براعيهـا

هذي حقوقك , وأنا رجال حقاني :: نفسٍ لها حق عندي .. لازم أوفيها

--------------------------

الحب .. سيرنـي معـك ويـن مارحـت  / حتـى شعـوري مايخالـف  شـعـورك

اضحك معك .. واليا بدت دمعتك صحت  / و أغيـب بغيابـك وأبيـن  بحـضـورك

كتمت واجد .. وأعذرينـي ليـا  بحـت  / بكسر غروري لاجل  اراضـي  غـرورك

تدرين وش منحوت فـي مهجتـي نحـت / مبسم ( سمّـوك ) لاتبسّـم .. وحـورك

-----------------------------

خل الجمال اللـي يقولونـه  النـاس / وشوف الجمال اللي يطيحون  دونـه

غمازتين و مبسـمً عاطـر  أنفـاس / ونواعس .. و وجهً طفولي .. و نونه

------------------------------------

أيه أزعلي .. والله ماابّدي لك الصلح / أليـا زعلتـي زاد ملحـك  شويـه

ولو زاد ملحك فوق مافيك من ملـح / تــوردّت وجنـاتـك السكـريّـه

-----------------------

خايف وأحسّـب للزمـن والمقاديـر / والمشكله .. لاشفتك يزيـد خوفـي

أخـاف تآخـذك المقاديـر للغـيـر / وآموت وأوجاعي تضـارس بجوفـي

وأخاف نبقى مع بعض ويحصل  خيـر / وخوفي أموت وما أكتفى منك.. شوفي

------------------------

جاك وتعداك .. علم ً ماحسبتي له

وحطيت قصتّك .. للي من بٌعٌدك , آيه /

الحب .. لعبتك لكن ماعرفتي له

مسيرتك فيه .. مايسري بها تايه /

قبل امس غاية مرادك ( نلتقي الليله )

ويوم اصبح الصبح بدّل غايتك غايه /

غيرّك من مال حظك يوم ملتي له

وأقفا بك .. ويحسبنه رافع الرايه /

ومادام عشتي مع العشاق بالحيله

بيجيك محتال .. ويسوي بك حكايه /

ونهايتك من يده يحكي بها جيله

والله لايبتلينا .. اشين إنهايه /

والا انا أصدق من اللي يلتوي غيله

واللي بسويه لك .. ( أنساك وكفايه ) / ..

--------------------

خزّن .. أبن المتعه .. وجانا يشيل سلاحه /يحسبنا لقمةً سهلـه ..وقطـفً  دانـي

جاء وهو جيفه يدور عن لهـب ذباحـه / وأمتلى الوادي جيف من كل حوثي فاني

يحسبون الدار هذي لمن بغاهـا  واحـه / لين شافوها جهنم .. شوف  بالاعيانـي

كلنا جند الوطن ماعاد نبغـى  الراحـه / والله اني دون داري ماعرف وش جانـي

يوم جد الجـد جينـا قبسـةً قداحـه / نطبّخ .. والموت نبغا له سبب .. مجانـي

يوم فكّو بابنا .. أهدينا  لهـم  مفتاحـه / و لا أنتهينا من جثثهم نقفله مـن ثانـي

------------------------

ناوليني يدك .. نطلع للسحاب / مالقينا فأرض  ديرتنـا  سعـه

فالسماء مافيه بعد  ولاغيـاب / وحدنا .. قلبي معك وأنتي معه

فالسماء مافيه  ضيق  ولاعتاب / كل قلب / يعرف وشهو موقعه

عجلي بالله .. عزمّت  الذهاب / عاشقك للحب .. فل الأشرعه

-------------------------

خيانتك بانت .. و روحـك بـارت / وأذنبت لـو الذنـب مانـت بقـده

وأمانتـك تالـي زمنّـا صــارت / مثل الأمانه .. عند (( أمانة جده )) !

--------------------

أميرة الحلم .. يا اغلى من  عرفه  الفؤاد / يا بهجة أمسي / و ميعاد الفرح في غدي

البرد .. عايد حبيبك في نهـار العيـاد / هاتي يدك قبل أموت ولا تدفّت يـدي

------------------------

متى يحّل اللقا  .. يـا  مطّولـه  بالغيـاب / سآئلـك بالله .. ميعـاد التلاقـي متـى

لامرني فـي غيابـك حاجتيـنً صعـاب / لا ( فيّض الغيم ) .. والا لا ( تبّدا الشتا )

زاد إحتياجي لقربك وإنفتق بـي صـواب / وإن هّل دمع الفتى من فقد // راح الفتـى

--------------------

حوراء وأنا بلواي شوف  الحور/ لا شفتها .. مسّتنـي البلـوى

أشعر بأنـي مامعـاي شعـور / وأتخيل الحوراء .. صحن حلوى !

-------------------

لبى عيونك ..ليا خدّر هدبهـا النعـاس / لحظه .. تموت القصايد دون توصيفهـا

أنظر لها في هدوووءً يقتفيـه  الحمـاس / و أقرب بكيفي .. وتقفي بي على كيفها

--------------------------

توثيق .. ليلة حزن .. !

حزين .. حزنً  ماحزنتـه  بدنيـاي /مـن أول أيامـي إلـى ليلتـي ذي

ومما بصدري .. ما أرتجي يومي الجاي / أحس ماراح يتبيـن .. وأنـا حـي

-----------------------------

وجودك أغلى  من  أغلى  شي  وأغلى ::

وإحساسك أجمل من أجمل شي وأجمل

يا أكمل أهل الحلا  وأحلى  وأحلى ::

وأحلى وأحلى حلا الحلوات وأكمل

---------------------

ياقابض الجمر .. ضمّ الجمر بيدينـك

أصبر .. وآظنه قرّيب قومة الساعـه

لو قلت خل الخوافـي بينـي وبينـك

الوقت .. ماعاد بقى شـي  ماذاعـه

شف كم يسارك من اهل الخير ويمينك

من شاف دنيا / و همّل دينه وباعـه

----------------------------

بكـره إذا فكـرت  فيـه  آتضايـق / الله يستـر مـن  صواديـف  بكـره

آخاف يبـدي للخوافـي /  حقايـق / وآشوف في سكة مواصلك .. ما آكره

---------------------------

للغيـث ياذكـرىً تمـر الـبـآل // يسقيك سيلً سـال مـن  عينـي

طـرآك ريـح المآطـر الهـمـال // وليل الشتـاء طـرآك لـيدينـي

وأن قمت آهوجس بك تشين الحال // وإن قلت أبنسى .. وش  ينسينـي

وأنتي معـي  فالحـل  والترحـال // مـن ويـن مـا أنهـج ماتخلينـي

آقبلـت لعيونـك وآنـا رجـال // وآقفيت طفل آجهـل  عنآوينـي

-----------------------

بنـآت حـواء .. مـا يمّلـن عيـنـي // و لا لهن في زحمـة آفكـاري  آطيـاف

وطيفـك لحالـه ياحـلاوة سنيـنـي // لآشفته أسأل .. كيف غيرك بينشاف ..؟

-------------------------

مشهود يا ذا الليل مـن بّـد  الليـال // في عين من يرجي رحيلك .. ما اطولك

في آخرك وآشوف خطواتـك ثقـال // و آنا آتجـرع ضيقتـي مـن أولـك

ماكن لانفاسي على  صـدري  مجـال // صدري فلك .. والهم يسبح في  فلـك

كني على حال وهـل الدنيـا بحـال // عجل علي يالصبـح قـدام  آهلـك

لو كنت فـي دنيـاي ادور للكمـال // ما أطبقت جفني قبل لا اصبح  ملـك

للبوح بقيه

--------------------------

حرمتني من كل شي وبقى  شي / ما ابغاك يارجواي منه  تحرمنـي

مادام مالي بك رجا دامني حـي / قم و ادع ربي من هواك يعصمني

------------------------

ضيقت صدري بهالحكي يوم  قلتـه .. ليتك كتمت بصـدرك ولا  تكلمـت

روعّت قلبً فـي غرامـك هبلتـه .. و أجل ونينه .. وآثر لعينك الصمت

قلت إلك لاتحزن وحملـك  حملتـه .. وأقفيت .. وأنا من حمولي تألمـت

تشوفني ضلع .. وكلامـك  قبلتـه .. أنا لعينك ضلـع .. لكـن تهدمـت

--------------------------

تطليـن وآشوفـك .. ولا ودي آشوفـك / وأنا عـاذرن قلبـن محولّـك مـن علـوك

ولكن بدل ما انصحك .. وآزيد  من  خوفك / ياخوفي لا اجيب العيد .. وآصيح : يأأأحلوك

--------------------------

كنت أحسبن روحي وروحك /  روحوآهواك وأحسب خافقك .. هـآوي

ودامي كشفت أسباب جرحك / روحوأن قلت وين تـروح .. فـالهـاوي

--------------------

هذا هو إحساسي اللي ماجهلتيه .. يوم / لو غاب يبقى ولا يبقى وجوده .. عدم

مكنوز مده ورا سور  الفؤاد  الكتـوم / واليوم بأقبالك أقبـل مايـرّد النسـم

يدوي سواة الرعد ويفيض  مثل  الغيوم / ويثير نبرة شجن ويصـب عبـرة الـم

يفل إلك من حشاه مخبيـات  العلـوم / غيرك وغيره ماعنهـا مودمـيً علـم

الزم لزوم بعمري مـا سواتـه لـزوم / أعمر محبتك والباقـي عسـاه الهـدم

--------------------------------------

علقت حلمي في سحابـه مـن خيـال / وهب الهواء فاطرافها .. واقفا بها  ..

اليا تبعت الحلم ..ضرب مـن الخبـال / واليا تبعت السحب ويش ابغى بها .. !

--------------------------

تعاتبني الحسنـاء بدمـع العيـون الحـور / وانا مايعذبنـي سـوى دمعهـا لا سـال

على كثر ما اقدم .. تلحّق  هواي  قصـور / تبي الوصل والتدليل في كل  حل  وحـال

وانا عاذرن عمري ولـو مانـي  بمعـذور / ولكن ظروف الوقت يبحل بهـا الرجـال

أحاول واشد النفس قبل ابـدي المستـور / واوازن أموري لااستمال الزمان  و  مـال

وبكره يزيـن الوقـت ويعّـود المخبـور / واروقّ والى روقت تبشر بطيـب  الفـال

وتشرق علينا الشمس ويبين  وجه  النـور / واذا بان وجه النور غـاب الظـلام وزال

أذا طاب خاطرهـا تمـر الحيـاه الـدور / واذا ضاق خاطرها غدت دورنا اطلال ..!

---------------------

دخيـل عينـك لاتزيديـن الاوجـاع // ادري بـأن اللـي نعيشـه  ..  مقـدر

تصبري واركي على القلـب لا ارتـاع // وانا اوعدك و( انا معك ) مـا  اتكـدر

ولاصرت وحدي .. لاتشوفين الاوضاع // الله مـن دمـعـن لفـقـدك تـحـدر

---------------

أبيات للي يقرأ مابين السطور

ياربعنـا الغيّـاب عـودو  للبـلاد / محدن بحاضنكـم سـواة  دياركـم

قد قيل والـدراس عـدّن  للجـداد / في غير ديرتكـم قصـر مقداركـم

تلقون جفوه في سفركم واضطهـاد / ويلقى معاديكـم (هنـاء) لازاركـم

ضاعت فعول الطيب في بعض العباد / ما أثمر مفاداكـم وطيـب اذكاركـم

ورو عباد الدرهم / السبع  الشـداد / وعن الشبب قفو .. وطفو  ناركـم

--------------

عادي آنا اضيق لكن .. صدق ما ارضى عليك // آعيش في ضنك / لكن  ماتشوفيـن  ضنـك

لازاد " حزني " وانـا مابـي همومـي تجيـك // بيدين " الآفراح " سلمتك ..  وقفيت  عنـك

------------------

عمراُ مضى .. لآ تلحقينه  حسوفـه / دار الزمن وبـحبنا / صار  ماصـار

كلن تّخضع تحـت رحمـه ظروفـه / وأصبح رهين لما  تسويـه  الآقـدار

واللي كتب ربـي علينـا  نشوفـه / والخيره اللي ربـك بحالنـا آختـار

آقولها لـو الصـدر حّـل  جوفـه / الموجع / المتحمي / الجارح  /الحـار

الحـل : لايقصـر حدينـا طيوفـه / والله يبيض وجه طيفـك  ليـا  زار

باقف على درب الرجا  لين  احوفـه / واستدرجه لين يغدي بيـن الانظـار

وأتحضنه قبل تغـدي بـي وصوفـه / لانه عوض وصلً عليه الزمن  جـار

ولازال ظرفك والقهر كفّ  شوفـه / عودي / وتلقيني على  واهج  النـار

نعـود و أيـام الزمـان مخلـوفـه / ونسلى وكن اللي شكيناه .. ما صآر

-----------------

دامك معي / مالي ومـال  المخاليـق :: يقفي بهم .. ريح  الزمان  وعجاجـه

شوفي .. بدونك كيف ينهشني الضيق :: وشوفي إبتهاج الروح يـوم نتواجـه

-----------

للصدر بوح  وللمدامـع  سواليـف / وللسجه اللي كل  ساعـة  حكايـه

كتمتها ليـن أوقدتهـا  الصواديـف / ورويتها والحـزن صـوت الروايـه

عن ماخسرته .. قد قطعت التحاسيف / ليه اتحسـف والعمـر  ..  فالبدايـه

أفنيت حالـي بالبـذل  والمعاريـف / و لاطلت غير جحودهم فالنهايه  ..!

الحل اصد وصدتـي صـدة معيـف / وأقفي .. وهم أدعي لهـم  بالهدآيـه

-------------

عودي لحضن ً حنانه فاق حضن أمك / و خليك من صوت عذلً للغلا هادم

عودي قبل لايفوت الفوت ما ضمّك / الوسم بانت نذوره ..  والشتاء  قادم

--------------

للمفارق طعم حزن .. ومرارة ذهول / تختلف في قلوب  النـاس  تركيبتـه

واحداً يكتم بصدره والآخر  يقـول / ومن تعذّر بدمعه .. ماهـي معيبّتـه

صدمة الفقد يبقى وقعهـا مايـزول / خّص .. لاصار غالي / طوّلت  غيبته

------------

رسمت عمري معك بأبهى التفاصيل ..

والغيت معك الحاجه المستحيله

لكّن.. خوفي من صروف المقابيل ..

لا تآخذك يام الرموش الظليله

ويصير مالي غير اجر المواويل ..

( مشتاق لك بس المسافه طويله )

----------

.,

للجرح .. للذكرى القديمه .. للاشعار

للغيم .. للورد الندي .. للسوالف

للعشق .. للـ لمسه الحنونه .. للأسحار

للعيد .. للوصل البهي .. للتآلف

عن غيبتك .. هاتي لما فات الآعذار

واليا عذروك .. معاتبك ..ما يخالف

-----------

عيا يجيني نوم يا مـدّور النـوم / من لهفتي للصبح .. أحّسه إشاعه

واللي درا بالحال ما الحقني اللوم / اهم موعد فالعمر بعـد ساعـه

+ +

----------

أصحي ..

قبل لآياخذك درب الأوهام /

وليا خذك درب الوهم من يردك ؟

ما هو عشانك تعرفيني من العام /

أصير لك .. والا افكر : أوّدك

حطيت لك حداً ورا حده الغام .,

أبقي عليه ..

ولا تعدين حدّك ..!

--------------

ضايع وابي منك الهدى يا ام نعّاس /

.. نواعسك لا سلهمت .. وش تبي بي ؟

اسج في دنياي .. وادله مع الناس /

.. وآشوفها .. و آبحر بها .. وتغدي بي

.'

-------------

يا طيفها .. بصارحك عن خفايـاي  / وآرجوك لامـن جيتهـا  لاتعّلـم

وعدتها ما احزن على  عمري  الجاي / و كذبت .. لكن مابغيـت اتكّلـم

جاها النصيب اللي بلانـي بدنيـاي / وجتني قبل ترحل وكونـي مظّلـم

قالـت آمانـه لاتعذبـك فرقـاي / قلت الله الله ..  مستحيـل  آتألّـم

وأقفت و قلبي كنه يغادر  أحشـاي / وآنا ابتسـم والويـل فـيّ متولّـم

سيف الهوى اللي كنت اشيله بيمناي / مازلت اشيله بـس صـار  متثّلـم

وحيد قلب / ودوم يسهرني بكـاي / واليا غفيت / بسلهمتهـا  آآتحّلـم

---------------

خلاص .. ماعدت الاول /  لاتعّود  علـي / اليوم فاتت عليك وقيل ( مافات  مـات  )

من بعد كانت يدينك فـي حضانـة يـدي / في سكة الخوف / سلمتك  يدين  الشتـات

و ثلاث حاجات مني : معك مادمت حـي / ( منادم الهم ) و( الدمعات ) و( الذكريات )

---------------

 

يـــا مـعـلّـقـه بــيــن الــصــدر والمـعـالـيـق ::

شوفـي بـ( بيـداء ) خافقـي كبـر قسّمـك

عــجــزو عــــن مــزاحــم غــــلاك المـخـالـيـق ::

مافـيـه فــي قلـبـي شـبــر مـابــه إسـمــك

لآ أصبحـت : تصبيحـة فمـك فكـت الـريـق ::

و إليـا غفيـت آخـر فضـا العـيـن : رسـمـك

وأن ضاق عُمر .. ( يضيق ويزين ويضيق ) ::

أحـلـى عُـمـر / ( كـنـه تفاصـيـل جسـمـك )

+ +

-------------

،

آشتاق لك .. ما طّل صبح و دنا ليل /

والشوق .. ولّع في فؤادي و طفّا '

آهتم بك .. وأتبع أدّق التفاصيل /

منك انت .. ما ابغى شي عنّي يخفّا '

شف غير ( آحبك ) كلمةً تنقل القيل /

قصّر معاك إحساس / كفى و وفى '

لا قلت وش يرعبك قلت : المقابيل /

خايف توفى من قبل لا آتوفى'

---------------

 

ارتاع قلب .. و تسرمد ليل .. وابطى نهار /

وازداد ضيق .. وتهامل دمع .. واحرق وله

حبيت ابيّن علوم البارحه بإختصار /

واليا بغيت اصـَدقْك :

والليله المقبله ..!

-------------

'

بسَمتك غيمه والعمر موطن جفاف /

هّلي بها محتاج لاحساس الربيع

و حنانك الجذاب.. نهر بلا ضفاف/

تكفين عديني معك طفل ً رضيع

اضيع وامشي معك دربً مايشاف/

ما دامني وياك .. خليني أضيع

احبك اكبر حب يا رمز العفاف/

واعشقك عشقً يوسع الكون الوسيع

وان مر غيرك ماعلى حبك خلاف /

دامه كثر مايرمش العالم جميع

آح ـــبك

--------------

اليوم جّد الجِّد .. والخافي ظهـر  وجهـه  وبـان / انا الصراحه كنت في ماضـي هوانـا  خادعِـك

أضحك بوجهك / وأغدق لقلبك من شعور الحنان / ويبدا بكاي وحزني القتال وقـت ( موادعِـك  )

-----------

حسيت بالتقصير .. يا بهجة الروح /

وانا اعترف لك قبل ما اسمع لبوحك ،

مسهـرك همّ ومتعبك قلب مجروح /

وعساني افنى قبل ازّود جروحك ،

سهرتني وياك ..والسر مفضوح /

الدمع دمعي لكن النوح نوحك ،

والله معاد ازعلك لا قلت مسموح /

واقرب تراني ميتً من نزوحك ،

( فاصل *يستعصي على الشعر .. لحظة عناق لاتموت ذكراها ولا يزول من الروح صداها )

و بعد صمت :

رح نام .. اشوف الصبح قد بان له ضوح /

وهذي قبل ماتنام : بوسه لروحك ،

--------------

قلبً تعّلق في محّبتك يفداك /

ليتك دريت بحالته لا انشغل بك '

لاغبت يصبح حلم دنياه / يلقاك /

و لاجيت يصبح كل دنياه ( قلبك ) ،

--------------

ليل الشتا .. مّر وتعّدى ما استثارك بأي شي /

ماقلت لك : دامي معك لاتحسبي لـ برد الشتا

كونت لك عالم دفا من صدري لـ ضمة يّدي /

والحين قولي : من يقول البرد جانا .. ومن متى؟

-----------

اشتقت لك .. لو وجه لقياك بيّن /

واشتاق لك في داخل الصدر ( موطنك ) ،

و اليا خلا مْنك .. وطَنَك ويش ازيّن ؟ /

ما اتخّيل اعيش العمر دون ما آحضنك ،

لأطلالتك في كل صبح آتعّين /

يانبض قلبي ..جعلني ما خلا منك ..

------------

اجدل من الليل لين الصبح بيّن ضياه ::

والصبح نوره يشع وذعذعاته شذا

بين اللذايذ و وسط اطياب ما فالحياه ::

القى ونس وابتهاج و قطع جوع و غذا

كذا .. اعيش الزمان اللي ما يوصف حلاه ::

تدرين كيف افقده ..؟

( صّدي بوجهك كذا ) ..!

-----------

لو غبت .. لايحزنـك  بعـدي  وفرقـاي  ::  هذي الحياه .. و ( تالي الوصل فرقأأأأأ ) ..!

-----------

لا تنصدم .. باللي يقولونه أعداك ,,

آعتى العواتي / حبنا ما تهدمه ..!

أنا إذا قالو بك الشين " حاشاك " ,,

أمثّل أني ضقت وآقول : صـدمـــه ..!!!!

---------

يا لياليه .. مدعوج النظر وين راح ؟

بعد ماهو منّول ياتي بموعده

انغلق درب وصله عقب ماهو متاح /

وبعد ماقّربه وقتي علّي بّعده

كّم ليلً قضا في قربه وكم صباح ؟

وكم جروحً شفاها من يديه أوحّده

روّح .. وكنّها تطوى بأثره البراح

مثل ماهو طوى روحي بقبضة يده..!!

-----------

يـا راحلـه .. هـذي تصاريـف الليالـي والسنيـن  / كنا سوى قبل امـس والا اليـوم مـا عدنـا سـوى

غنيت من حزني علـى فرقـاك  صـوت  "الراحليـن" / وآبكيت بأشجاني على ذكـراك كـل اهـل  الهـوى

عاهدتك آحفظ عشرتك وآذكر غـلاك بكـل حيـن  / نيـة فـؤادي فـي هـواك و كـل قلـب و مانـوى

ولو صرت بعدك .. لا حبيب .. ولا ونيس .. ولا عوين /  عجزت الاقي لك بديل .. بكوننـا باللـي حـوى ..!

----------

يـاروح وردات الجنايـن .. وأصـل فـوّاح العطـور / يا اول غلا .. واكمل حلا .. واجمل هوى.. واكبر  قدر

ياجاذبيـة فاتنـات العـصـر .. لا كــل العـصـور / ياشاعـرة قلـبً مـن إحساسـه معـك قـال الشعـر

اليا حضرتـي .. تنقلـب دنيـاي مـع ذاك الحضـور / ينزل مطر .. ينفح زهر .. يَسكب عطر.. يطلـع ثمـر

تتبـدل الاشيـا بأشـيـا / كــل هالدنـيـا تــدور / ماعاد أقّلـد فالبشـر / مـن غـاب والا مـن حضـر

ودي أبيّـن لـك شعـورً مـا تسـاوى بـه  شعـور / شـيً عجـزت اخفيـه مابيـن الحنـايـا والـصـدر

آحبك .. ومُغرم بحبك .. وآعشقـك .. ليـن النشـور / ولاجيت أبيّن ..( أشعر أن احساسي المرهف قصر ) .!

+ +

-----------

وفّري ضيقتك .. ماشفتي بعمـرك حاجـه :: الدلع ولىّ وجـاء وقـت الكـلام الحـازم

ناويً فرقـا .. وفرقـا مابعدهـا مواجـه :: رحلتي بكـره و قلبـي للمفـارق  جـازم

الغـلا دامـه ذواقـه مانـي بمحتـاجـه :: والهوى دامه بهالاسلوب .. ماهو لازم ..!

-----------

يا آدفى حنان الصدور اللي خلق  ربي :: دامك سألتي .. بقول لقلبـك الخافـي

ضايق .. وميّت وله .. لكني  مخّبـي :: وإنعاشة الروح .. ضمة صدرك الدافي

+ +

------------

موجوع من فقدك وميت وانا حي ،

واللي قهرني كيف تقوين ظلمي !

ما اكذب ولا ابالغ لو اقولك شي ،

شهرين لا من نمت جيتي بحلمي ..!

-----------

,

ردّي لي العمر ’

وأخذي مني الذكريآت .!

خليني أسلأ .. وأعيش

( أيامي الباقيه ) ,

جيت أنتصر " للثنين " ملاوعين الشتات :

خفاقي المنكوي

و عيوني الشاقيه !

لو متّ ( ضآمي ) ’

على جال - الغرام - الفرات ,

أِشرف من ( الجرح )

والا ( منّة الساقيه ) /

--------------------------------------

( أقربي ) .. بـ أمسح دموعك من اوجانك ’

و خلي الضيقه لمغليك / وابتسمي .!

ما أبي غير السعاده .. بوجدانك ’

وكل حاجه توجع القلب ( من قسمي ) !

دام كلي في يدينك ومن شانك ’

لا وردك الضيق بس .. ( أنطقي اسمي ) ..!

--------------------------

طلّت .. وانا ( حدّي ) لها مشتاق /

ويا سعد خفاقي بـ طلتهّا ,

آجمل صبآحاتي على الإطلاق :

1- شوفة محياها ..

2- و ضمتّها ,

-----------------------------,

غيبي .. عسى الله لايردك لدنياي /

وعزي لقلب ً ماصدق فيك ظنه !

بنساك / وادفن سيرتك عمري الجاي /

و عمراً مضى جنبك .. تبريت منه !

-----------------------------------

تدري وش اللي يوجع القلب من قلب

تعطي غلآك لـ قلب

ما يستحقـــــه

--------------------------

أنسى نِساء الكون واذكر غلاهـا // و آحبها و ألثم مواطـي قدمهـا

سبة نجاحي في حياتي " دعاهـا  " // وفرصه رضا الله في رضاها آغنمها

ياجعلني ماعيش عمـري  بلاهـا // يارب خذ روحي قبل ماآعدمهـا

آمي .. عسا كل الخلايق  فداهـا // ياحبني لضحكاتها .. وحكي فمها

-------------------------------

القلب يـ " الحب الجديد " بـ دبرتك /

فيك أشرقت دنياه .. من عقب العتيم ,

جالك يبي ( ثنتين ) وأنت بـ خبرتك /

(1) أروه حنان ..

(2) و نسّه " الحب القديم " !

-------------------------------

مبسم " ............ " ماهو بمثل المباسم /

بمواصفاته .. كل يوم آتفكّر ..؟

منعش و دافي .. في جميع المواسم /

وسحايبه لا أمطر على شفاي .. سُكر ,

--------------------

,

كنت أحسبني بعد فرقاك آبموووت

وفارقتك .. ولاصار لي أي حاجــــه

------------------

رابع سنه .. مرت بنا بعد فرقاك /

وحنا طوال ايامها مانسينا

أنا وروحي والمشاعر وذكراك /

الله ..كم ليل ً لطيفك بكينا

بآلآمنا صحنا عليك ودعيناك /

يمكن "تخلين اللحود " وتجينا .!

دام الهوى ذنب ً كسبناه وياك /

ان كان تبنا عنه .. تبت يدينا

-------------------

x

شوفك .. يشتت كل مابي من الضيق

لابان وجه الضيق جيت وزبنتك !

ولازال ضيقي .. زدت فالوضع تشويق ,

مديت كفيني وراك وحضنتك ,

----------------------

/

ياكثر ماقلت "لبى" تالي أيامي /

لابان لي من حلاك الفاتن .. مخبأ

لاجيت يمك دريك وخافقي ظامي /

وعودت عرقي يبشّ وقلبي معبا

لابان رمش الغجر والمبسم الشامي /

مما ترى العين قمت اقول : ياااالبى !

-----------------

آميرتي .. من غفوة النوم  قومي // خليني أملا ناظري من وصايفـك

ما اقدر أبدا قبل شوفتـك يومـي // يوم السعد يوم ً من الصبح شايفك

لا .. وان بغيت ادفن بقايا همومي // أضفت مع شوفتك نكهة شفايفـك

------------------------------

مسج لـ مواساة صديق :

هّي الليالي كـذا ياطيـب الفـال ** لاتبسط الحلـم وتمـد الهقـاوي

عش ماتيسر من احلامك والآمال ** ان جتك والا ترى الدعوى مناوي

أنت أبذل وربـك لمـا راد فعـال ** وماخاب من حط فالله الرجـاوي

------------------------

,,

لآ يضايقك شي .. مانتي حمل للضيقه /

حرام قلبك يطاوله العنا بدري ’’

إليا حلمتي بحلم ً صعب تحقيقه /

عودي إحلمي فيه .. لانمتي على صدري ’’

------------------------

آنا معك .. لو غيّب الوقت صوتي /

وطيفك معي لو غيّب الوقت صورّتك !

لو أقدر أنقل موتك بدرب موتي /

لآموت ,,

قبل أعوااام من يوم موتتك !

 --------------------

في صدري علوم كاتمها ولا بحتها :

وقناعتي فالبشر قد بانت فروقها ,,

كم واحدً فوق الارض وسيرته تحتها ،

وكم واحدً تحت الارض وسيرته فوقها !!

,,

----------------------

ندمت .. لكّن الندم مافاد /

لو صبّ دمعي .. دمّ من عيني ..

أوآآآه لو عمرا ً مضى ينعاد /

لأقصر سنيني بينك وبيني ..

أكتم ..

وجرحك دآخلي نشــاد :

وشلون ضيعتّك من يديني ؟

 ------------------

ضايق وشلت من العنا فوق ما اطيق ::

شيلي همومي دامي اشيل همك

ضحكك و مزحك ماينسيني الضيق ::

مانيب ناسي ضيقتي لين اضمك*،

----------------------

*

لو كان دمعي يهزه طاري الفرقا/

لاتفرحين ان بكيت ولاهدا روعي ،،

غيبي ولاتحترين ارخص لك الزرقا/

"ما ابكي على شخص مايستاهل دموعي!"

 

----------------------

*

الحب دربه مثل درب الموت /

مافيه كآئن حي .. ما مرّه .. !

----------------------

أي عيد اللي تبين آعيده /

مايعيش العيد من يمسي وحيد !

فالمطر والبرد روحي مقيّده /

إحتياجي حضن ..ما ابغى يوم عيد .. !

----------------------

آخذ من عيونك تعآبير الحنان ..

و آردها لك بس .. في هيئة شعر .. !

----------------------

غيابك لو يطول ولو يحول الموت عن لقياك/

عهد لآ موت مافكرت اعيش الحب من دونك .

يقوله من وردك ولاروى قلبه سوا من ماك /

ولو يارد محيطات الهوى يرجع على عيونك .*

----------------------

غريب في ديرة هلي مالي ربوع ولارفاق ::

لا طاب عيشي بينهم ولا اهتنيت بمنزلي ..

لو قلت ابصبرلاجل عين وطقت شي مايطاق ::

وحشة جفا الارواح ماتنزاح ياديرة هلي ..!

----------------------

هاتي جراحك .. ماخلقتي لهالحزن /

عيشي حلاة العمر و انسي جراحك ..

كلمة " صباح الخير " ما اعطي لها وزن/

الا اذا جت منك .. لبى صبآحك ,,

---------------------

ياقلبي أغمر من حنانك ، حنينك /

أحسب لفقد أحبابك و بُعد ناسك ،،،

لا مابقى من نبضك الا ونينك /

بدّ الحنان .. من الحنين و تماسك ,

--------------------

مرني عطرك .. مع أنفاس الصباح /

وأجذبت روحي لـ روحك /ريحتك ,

طل "صبح الخير" يوم العطر فاح /

و أزهرت دنياي من تصبيحتك ,

--------------------

رضاك همي وابتسامتك رجواي/

لبيييه يا شوفة شروق ابتسامّتك،

و دمعتك لو تنزل تهاونت دنياي/

ماني حبيبك كان ما انصفت دمعّتك !

دامك "اميرة قلبي " و "روح مغناي" /

فالقلب وحدك لا شريك لمحبتّك ،، ,

--------------------

هذاي جيتك واقبلي عذر الغياب/

لولاك .. مافكرت لحظه ، فالرجوع ,

دمعتّك جابتني قبل صوت العتاب/

و عمري يهون ان شفت بعيونك دموع ,

--------------------

كل الهموم تحّل فتره وتنزاح /

مافيه احد بيموت من كبر همه ,

بيجيه يوم يعيش فرحه ويرتاح /

الا اليتيم اللي فقد ضمة امه ,

-------------------

ضحيت لك فيما مضى من حياتي / .

واليوم يوم احتجت وقفتك .. صديت ,

خلاص شلتك من حلا ذكرياتي /

وابيات شعري فيك : ما اذكر ولابيت ,

--------------------

على كثر ماجاني من الخير في دنياي/

بعد خير ربي ما ملكني كثر خيرك،

رسمت لحياتي خط ماتو عليه اعداي/

وعمّرت قلبي بعد مادمّـره غيرك ,

-------------------

بدعة حـلآ ..مـا مــثلـهــا فــالــجــزيــره /

و رغـم ان "مـن شـاف الـبـدع ماتبعـهـا "

ضـاقـت .. وكــن بـحـزنهــا حــزن ديــره /

 كل البشر لاضاقت تضيق معها .. !!

-----------------------

 

طـــال الـزمــن والا قــصــر لا تـخـافـيـن /

انـا مــعــك وافـــــي و بــمـــوت وافــــــي

كيـف اتركـك وانتـي انفردتـي بـثنتيـن /

(زينً ندر اشباهه) و( حضن دافي)

 ------------------

تبي "صباح الخير " يا مدور الخير /  خذها بكـل الحـب مـن بسمـة امـك ,

--------------------

مـاعـــنـدي أعــــداء لـــو مـرونـي بكثـــره /

 مــشــغـول قــلبـي بــهــمّــه .. مـــاهــــم بــهــمّـــه

فــي درب حلـمـي إذا حـطــو "حجـر"عـثـره /  

جبت الحجر فوق بعضه .. واعتلي قمه ,

----------------------

حـيــاتـنـا الــدنــيـا تـــمـر ايــامــهـا مــر الــســـحـاب/

وفــــي كـل لـيـلــة نــقــرب اكــثــر لـلـحـيـاه الاخـــــره

والرابح اللي في شبابة ماعرف طيش الشباب /

  و خـيـرالـعـمـل .. زهــابـــه الــلـــي لـلـقـيـامـه ذاخـــــره

 -------------------

عامً جـديــــــد يـهّــــــل وانــتــي بـدنــــيـاي/

اشــفـــق لـــصـــبـحـــه ، وآتـــحــــرا قــــــدومــــــه ،

ان عشت..ماحدن شاركك عمري الجاي/

 وان مــت..مـــاحـــدن مــــيــــتً قــــبــــل يــــومــــه !

--------------------

تـدلـلــي .. ماعــــنـدي الا حـلالـك/

و ليت المقـدم مـن فـوادي يكفّيـك ..

هــذي ســـنه مـــرت عـــليّ بــوصــالـك/

عقبال قرن ( اعيش به / ميتً ) فيك

-------------------

مـغليـك .. ماغـيّـر زمانه مـباديـــه/

لآتجرحينه .. في سوالف عتابك !

غـلآك وأنـتـي "بالـوصـل" بـيـن أيـاديـه"

مـثــل غـــلآك إلـيــا تـبّــدا "غـيـابـك ..

 -------------------

وجهة نظر  

يـالـصـاحـبـه ردي عـلــومــي لــلاصــحــاب / خـوّتــك خـيــراً مــــن مــخــاوى بـعـضـهـم !

من شاف بعض افعال عكفـان الاشنـاب / في هالزمن ، يلقى الصبايا عوضهم !!

-----------------------

فريّ إلى الله يانفسي و خلّي هواك / العمر لو تحسبينه ساعةً من نهار !

اليا دلهتي وضعتي بين هذا وذاك / تذكري فآخر المشوار .. جنه ونار !

-------------------------

~ فضفض و روّح عنك من شيً شحنك/

فيني لنبضك عرق .. ولصوتك صدى ،

آضيق أنا .. لكن يزول الضيق عنك /

فدى

فدى

فدى

فدى

 فدى

فدى ••

-----------------------

- تنشد عن اللي جرا لي عقب توديعك '

وانا التمس مابقالي داخل اعماقك ،

من بعتني للفراق ازريت لا بيعك '

و نكسّت بيرق هواي بليلة فراقك ! -

---------------------

~ طول الامل كم غّر في دربه اقوام /

و الحلم كم عمّر بالاوهام مبنى ؟

نكتب من الاحلام في صُحف الايام/

 والموت بكره يمسح اللي كتبنا ! ••

--------------------

 ياحبيب الحبيبه .. عقب دار الزمان /

اغبطك يوم صارت زوجتك وآحسدّك !

خذت نبض السعاده خذت كون الحنان/

 كل يومً يمرك جنبها حب يدّك ! ..

------------------

ما أصبحت يوم إلا وذكرك على البال /

الله يسامح بالي اللي يجيبك !

لو أن بعدك طاال والضيق لازال /

 يبقى الأمل .. يصدف نصيبي نصيبك !

------------------

هذا الفساد اللي قناعه كشفناه /

ماينتهي إلا اذا جُـزّ رمزه ،

إليا بغينا حل جذري بنلقاه/

في كشف من غذى بالافكار حمزه .. !

--------------------

طاول عنَان الغيم بكبار العزوم /

 لاتنام ..وتقول الحظوظ مقّسمه !

المجد يبغا: قّو جهد وقّل نوم /

و" من لايغبر شاربً مادسمه " ,

-------------------

, .. تبسّمت واسترسل الغيم بالما /

المزن .. كنه يبتدي من شفاها ,

 ومن سولفت ماعاد فالليل ظلما/

ضيعّت بين " عشيّها او ضحاها " .

--------------------

• لا تكّبر الضيقه على فايتً فات /

خل العلوم بفالها .. لا تأسف ..

 انا من ألتمّت عليّ المُلمّات /

 ما فالعمر شيً عليه آتحسف ! ..

--------------------

دام ربي ماخلق حاجه عبث قولي لي/

ليه صارت دمعة الرجال شيّ إيعيّب !

ليه صرت إليا طغى حزني وموّت حيلي/

 أبكي لحالي ، واجيك آمثل إني طيّب ؟

---------------------

كفي دموعك .. وارحميني/ حرام دمعك يجرح الموق !

اشتقتي و جيتي تبيني/ وانا ابييك وميتً شوق

لكن حرام تعذبيني / وانتي حبيبة قلب مرزوق !

--------------------

• الآيام جنه ..يوم كان العمر وياك / وانا ماحسبت اني آبفارق الجنه !

خذتك الليال السود، وآخذت من فرقاك /

 وله قلب ,

حرقة وجد ,

تنهيده ,

و ونّه ! •

------------------

• كُفي دموعك ، عذبتني عبايرّك /

انا معك .. لو سود الايام .. جتنا

وش في يدي غير اني اصبر واصبركّ /

ابييييييييك مير سلومنا قيدتنا ••

------------------

•• خذ لك مع "أهل المصالح" موقفً حازم /

 رَبع الرخاء وصلهم يكسر مجاديفك !

لآشفت سيفك يخذْلك حزة اللآزم/

 العيب من يدك ، ماهو من فعل سيفك ! •

---------------------

~ حال البسيطه هالزمن ما هو بسيط /

في كل شبر .. أثر شبوب الموقده !

من يد نشيط لـ يد نشيط لـ يد نشيط /

ماعاد ندري من غدينا في يده  ..!

-------------------

هذا الهلال اللي يقولون عنّه /

 مافيه مجد إلا فعوله تطوله  ,,

جمهوره يقولون من زود فنّه:

بسّك ذهب ماعاد (نبغى بطوله )  ,

--------------------

خطب .. منابر..مؤتمر شجب وانكار/

وقصايد ً تنزف ألم في شكل بيت !

( كلام زايل ) ما ردَع بطش بشار /

لأن الجهاد افضل دواء للطواغيت .. !

----------------------

~ العام شعري فيك يومنّي آغليك /

واليوم عنك آسمى المشاعر توفّت ،

واليا بغيت تعَود ماعاد يمديك /

 الصحف قد رفعت والاقلام جفت ..! •

---------------------

~ تمتّعي في قلب مالك به شريك /

مافيه غيرك من مداه لـ ضفتّه

لو جاء بكفه ضد كفة والديك/

 في "حبك اكثر " راح ترجح كفّته ! •

---------------------

الليل يـ الطايف المأنوس مابه ونيس/

وحدي ..معي ذكرياتي شرق ضلع الهدا

 هنا ..انولد عشق من بسمه وقدً يميس/

هنا ابتدا عمر..يالبيه يوم ابتدا

سنين مرت و انا همي بصدري حبيس/

 من بعد فرقًا مداها مايحده مدى ،

مريت نفس المكان .. بنفس ليلة خميس/

وكني سمعت لسوالفنا القديمه صدى ..

--------------------

• عيشي الحلم .. ماتدرين ويش النصيب ،

 ناقل الضيق فأحلامه يحصل خراج !

اجمل الوصل تدليل الحبيب / الحبيب ،

 واشرف الحب حبً ينتهي بالزواج ..

--------------------

• أحاول أنسى سيرتك وآتناسآك /

و يهبّ لي لاذعذع الشوق .. عطرك ،

أصدّ في دنياي عن درب دنياك /

 وكلما خذيت بدرب .. يممّت شطرك ! •

---------------------

غناالمغني ليلةالجمعه وهيضني غناه/

حبي لذكرى الاغنيه ماهو عشان الاغنيه  ,

كنا نغنيهاسوى يوم الوصل ملح الحياه/

قبل الليالي تنقلب وتصير شوفتك امنيه ..!

--------------------

~ جرّ الغريب .. بـ ليلة البُعد ونّه /

من ما ورد صدره من صنوف الأتعاس

وحيد.. مايدرون أهاليه عنّه /

 حزين .. وأسلم روحه لقبضة الياس

~ لا أمسى بليلً ضاحكً فيه سنّه /

يصبـح وفرحـة خاطره مالها ساس !

 أسوأ شعور يمر ّ في قلبه إنّه /

 ماحسّ فيه الناس لو هو مع الناس ! ،،

----------------------

• مجروح الايام ياويله من جروحه /

ماعنده احد ًيرد الصوت لا صّوت

مد لغواليه سيرة طهر من روحه /

 لكن غواليه يوم احتاج وش سوّت ؟ ••

----------------------

• ما شفت فرقً كبير بتآلي أيامي /

 عشت بغيآبك بعد ما عشت في وصلك !

العآم ~ أبهلّك بحبك وأنت قدامي /

 واليوم من طولة الفرقا يجوز ~ أهلك ! ••

----------------------

/ غيبي ، تغلّي ، سّوي اللي تسوين ! ماعدت آشوفك .. مثل ما " كنت آشوفك " ..!

----------------------

~ معاد ودي شوفتك كل ما اشتقت /

شوفك يزوّد للوقيده ، وقيده !

 آجيك اوسع خاطري كل ماضقت /

و آعود مع ضيقي بضيقه جديده ..! ..

----------------------

~ تمنّعي .. ماحب فيك إندفاعك /

وبدّي حياك اللي اشوفه يحليّك ،

 إليا تجريتي على الرجل .. باعك /

 واليا إستحيتي .. باغي الزين يشريك ! ••

---------------------

~ تنفس الصبح وانفاسه من انفاسك/

 وضياه من نور وجهك ماخذً نوره

 و اظن لوّه يحس وياخذ احساسك/

 ما طّل وابقى خواطر ناس مكسوره ..! ••

---------------------

~ برق السواليف من ثغر الحلا سّرا /

تلاه مزنً هطل في خافقي..جوا !

 والحين .. شوفي جفاف الارض من برا/

وشوفي مطر همستك فالقلب وش سوا ؟ .

-----------------------

* من هفهفآت الذكريَات الماضيه هب ّ الحنين /

وقلبي عنآهـ وسم ّ حاله .. هفهفات الذكريات ..!

مرتني الذكرى واناقلبي من الذكرى حزين،

وايقنت أنةماصدق من قال شي فات مات!

مامات حب ماكن فالروح من طول السنين،

هذي رسومة فالعيون وفالدموع الجاريات ,

-------------------------

: ..... : هلا

 : .... : صباحك ورد

: .... : لبى محياك

 أردّ وانتي ما حكيتي بحاجه ،

 عينك تحدثني وأنا اتابع شفاك /

ونواظرك ، تحكي درر فالمواجه ..

----------------------

يوم بنتي بدا نور الصباح/

وكل حاجه بدت متزّينه

 والخوافق ملاها الانشراح/

 لان طلتّك ماهي هيّنه

 خذتي الخلق بالسحرالمباح/

ميلة الناس يمك بيّنه ,

------------------

رجعْتك .. ماجابت خبر من ذهابك /

وآنا آتلمس في دروب المواعيد !

 أكثر ما يرعبني بطاري غيابك /

وجه الوصل تظهر عليه التجاعيد ! •••

-------------------

• دنيتي انت .. ياقلب ً ملاه الحنان /

يسألك قلبي الصادق وابي تصْدقه !

فيه مثلك وبأحساسك بهذا الزمان ؟

 كان به قلب بوصوفك بروح اعشقه !  + :p

----------------------

ارّد نفسي بين آجيك أو ما آجيك،

لو هي على شوفتك .. يجري ماجرا

 و لولا العلوم التي تخوفني عليك،

جيت جهرا وعيون خلق الله ترى ! *

--------------------

غير الحزن والدمع وش في يديني ~

من بين كل العمر .. هذا المساء غير !

 صرخت يوم أسترسل الهم فيني :

 ياااليلة التوديع عدي ع خير ! ..

-------------------

الصبح موت الظلام ومولد النور ,

وشوفك كما الصبح في ظلمة سنيني ..

لاشفت عقب الغياب عيونك الحور ,

آصبحت وأشرق حلا الدنيا بعيني ! /

---------------------

•• بودعك قبل السفر لكن آزريت /

 آوآآه من بعدك ، وطاري موادعك ..

لو كانت أيآمي على ما تمنيت :

 اما تخاويني ، او تروح بي مَعك ! •••

--------------------

إشتقت ، لو طال المدى في تحريك -

ومن حلم رجوى شوفتك .. مابعد فقت !

حاجه وأبيها منْك يا نبض مغليك :

في غيبتك .. حسي بشوقي إذا أشتقت !

--------------------

صباحي إنتي، عساني ما اعدم احساسك؛

 لا مر طيفك على الاعيان وافرحني،

 صبحٍ بصوتك يطل و عاطر انفاسك؛

 لبى صباحي ولبى اللي مصبحني،،

------------------

قصيّت أثر وصلك على درب فرقاك -

 و ما شفت لك في سكة العمر جرّه !

 و وقفت في درب الحنين آتحراك -

 يمكن إذا هزك حنينك .. تمرّه !

-------------------

ماعاد للشوق في ميعادنا طاري -

بقلوبنا شي يبعدنا لو اشتقنا !

 قلبك مقفّي وانا آتجاهل وانا داري-

ذكرني أبكي عليك اليا تفارقنا!

-------------------

آمالنا تكبر بنا يوم عن يوم /

 لكنّ .. ماجتنآ على مانتمنى !

كنا ~ نظن وصالنا دايم الدوم /

 ولادام من ذكر الوصل غير ~ كنا !

-------------------

وش جابك اليوم لـ عيوني و وش ردّك ؟

وانا بليآك ما شانت مشاويري ..

صديّت من كثر ماعانيت من صدّك ،

ولا عاد بي قلب يهوى .. دورّي غيري !

--------------------

تلومني ليه .. دامك تجهل الخافي ؟

لو كنت أخبي و يفضحني ألم بوحي !

 أبكي هواها .. وانا صاحي وانا غافي ،

 لانها يوم راحت ، راحت بروحي !

-------------------

غربنّي الوقت و أقفا بي عن ديارك ؛

و مات الوله في حشاي و شابت أشواقي

 ياليت تدرين .. بعد إنقطعت أخبارك ؛

 إني "يتيم الهوى" في عمري الباقي !  

-------------------

يمدي بالاحلام نرجع مثل ما كنا

مادام مات الامل من عقب فرقانا

 قبل نشوف المواجع وش خذت منا

شوفي برود المشاعر وين ودانا !

-----------------

تعبت ألمّح عن غلآك و محبّتك -

 بـ أصارحك والله ربي و ربك ،

ظنيت ( أحبك موت ) بموت ماجتّك -

لكن تبين الصدق ( بموت احبك ) ،

-----------------

أوجعني البعد لا تبكي ولا أبكي لك/

 فقدك ضرب بي بحوراً مالها ساحل

أيسّت من شوفك و طاري مواصيلك/

 أواااه ليت الدروب تعود بالراحل ,

-----------------

لو شلت من روحي جميع الذكريات /

و كل الطيوف من النظر ودعتها ،

تأكدي .. ببيع عمري للشتات /

و ( بسمتّك في أول لقاء) ما بعتها !

-------------------

 ألوم تقصير قلبك قبل تقصيري-

ما بعتك الا بعد ماشفت تقصيرك

خذاك درب الغياب لواحدً غيري-

و ودتني دروب "حرماني" على غيرك

------------------

غيبي وشيلي ذكرياتك و طاريك -

وإنسي وصالً صار بينك وبيني

 لاتحسبيني بالغلآ مرتبط فيك -

 يا واهمه ، مانتي حدا والديني !

-----------------

أنشدّك رغم البُعد مابيننا البين -

من يوم أخذنا درب ماردّ غايب !

 وش سوّت صروف الليالي بقلبين -

كانوا قبل هرج العواذل حبايب ؟

-----------------

حسبك الله يا قلبً قويت الغياب -

من غيابك .. كأن اهلي و ربعي معك ،

 ليت وصلك حقيقه فالعمر أو سراب -

المهم .. ألتزم سكة رجا واتبعك ،

------------------

تحسّ ؟ لا والله مفارقك الإحسآس ،

إحساسك الزايف .. سبايب جروحي !

 غلطت يوم أشكي عذابي على النآس،

 ياليتنـي داويت روحي بـ روحي ..!

-----------------

زعلتنّي .. وأقفيت عني وأنا أقفيت ؛

لو كان طيفي معْك / عندي ملآمحك !

كآبرت .. وآنا بالمكآبر تمآديت ؛

ليت الزمان يعود وارجع واسامحك !

-------------------

هدّ الوله .. قلبي على ذيك الايام ~

 يومي معك وأنعم بجنة وصالك ،

أكبر ألم .. يزداد عامً ورا عام ~

طيفك يجي لاجيت ابعشق بدالك !

-----------------

لايحزنك ما قدّر الله علينا ..

يمكن يطيب العمر بعد المعاناه ٠

نبعد .. ولكن ما نقول انتهينا ..

 لا بد أشوفك دام ودعتك الله ،

-----------------

وقايع الوقت كم سرّت وكم ضرّت ؛

ايام نفرح بها .. وايام تزعلنا ،

 تجمع وتبعد و تستر كثر ماعرت ؛

 اكبر ضررها بنا .. قطعة تواصلنا ! ‎:(

------------------

قبل الرحيل أغرس البسمه بخصب الخيال-

واليوم دمعة ذهولي طْلع بعد الرحيل،

نمت، بنعيم التلاقي وأمن حضن الوصال-

و فتحت عيني،على فرقا مداها طوويل! ‏

----------------

كُفـي ملامح ضيقتك عن محياك -

 مثلك حرام تطاوله اي ضيقه ،

 من ضيقتك علقّتي الخلق وياك -

ضاقوا على ضيقتّك نص الخليقه ! ..

------------------

 لبيك .. يازينك ويازين طاريك/

ما كفّ وحشة شوفتك وصل طيفك ،

كلي معاك.. ولأجلك.. ومنّك.. وفيك/

في دبرتّك أمري .. وعمري بكيفك !  

-------------------

ريحّت روحي .. كيف لاتقول لي كيف !

 جلب المنافع .. بعد دفع المخاطر ،

 خسرت عرف مكسّرين المجاديف /

 وكسبت عرف مجبّرين الخواطر !

---------------

‏ على طريق المجد حثيت الأقدام -

في عيني .. الصلف العسير يتهيا ،

 شلعّت مثل اللي بجو السما حام -

ماني موقّف لين "احب الثريا " !

----------------

~ طول الامل كم غّر في دربه اقوام /

 و الحلم كم عمّر بالاوهام مبنى

نكتب من الاحلام في صُحف الايام/

 والموت بكره يمسح اللي كتبنا ! ••

------------------

لا جت لك أحلامك وسرتك دنياك ؛

 مر المقابر وأنت تعرف مكاسبك !

 ولا شح دون الاخره بذل يمناك ؛

 اخذ العزا فـ أيامك الفايته وأبك !  

------------------

 هذا الهوى ماقد جهلت بمباديه -

 أدري ولا قد قلت سوا و سوا !

 حلو أوله .. يبكي مرارة تواليه -

وفالفقد ضربه فـ آخر الروح .. جوااا !

-----------------

لو فالهوى شيمه وللحلم قيمه -

ما اقفيت عن دارك وأنا خاطري فيك !

-----------------

نحلم ولا طلنآ من أحلآمنا شي -

 الحلم حآلي ، والمقادير مرّه !  

------------------

خفقة أنين وحنين لماضيات السنين /

 و دمعه ، على غايبً جور الزمان أبعده !

 في كل صبح أتحرا نور وجهه يبين /

 لو طال عمر إنتظاري في رجاء موعده :(

-------------------

كانت اجمل اغنيه وانتي معي :

 ( ياحبيب الروح روحي لك فدا)

و من غيابك كنّها في مسمعي :

( لاهدت نفسي ولا قلبي هدا ) .!! :(  

-----------------

لا واجهتنّي .. قلت : صح النوم ؟

يا كثر غفواتك يابنت الناس !

 ألومها لو ما لحقها لوم ؛

 بلاي .. يوم عيونها نعّاس !

---------------

آنظارنا فالسما و اقدامنا فالتراب -

 نشمخ بالآحلام ونعدّي حدود الأمل !

 والعمر يمضي و تاريخ الاجل في كتاب-

و الرابح اللي ملا عمره بخير العمل !

------------------

قلبً مفارقّك، ليتك شفت وش سوا ؛

 لا واجه طيوف وجهك عدّ ما واجه !

 فقدك نزع فرحته من خافقه جوا ؛

ولاعاد يبغى بعد فقدك ولاحاجه !

----------------

ليت المقادير تحرمني من طيوفك -

ماهوب في كل صبح تمرر آوصآفك !

 ما دام طآل الرجا وايسّت من شوفك -

بمووت ..والا آنت قالو : عآش من شآفك !!

----------------

مشكور .. حسيت بمشاعرك .. لكن :

ماتوجع الضيقه سوى من نقلها !!   

------------------

لاتنثر الدمع ، هذا تالي عنادك -

و دربً مشيناه هذي آخر حدوده !

 العام صدري فضاك وقلبي بلادك -

واليوم تنفيك والمنفى بلا عوده ,

---------------

زعلآن منّك .. دايم وصاتي تهون -

وصيتي ماجالها بقلبك محل !

أخشى على حور العيون / من العيون -

 وأنتي على حورك تجرين الكحل !

------------------

عينك تقول الكلآم اللي عليه الكلآم ؛

وأنا أحسن النآس فـ الإنصآت لاسولفت،

أشعر بشعرً تقوله عن فعول الغرآم ؛

 ماينتهي بوحهآ ، الا ليا من غفت !

 -------------------

حظوظ التلاقي ما تبدّت بدنيانا -

 وفالبعد .. مالاحت بروق لسعادتنا !

 ياكم ليله أحيينا على البعد ذكرانا -

 و تحيا ، ويخنقنا الحنين و يموتنا !

-----------------

زله .. تفرّق صحب وتشتت أقراب ؛

 من شاف ، عاف اللي بقى من حياته ،

 هجر وقطيعة رحم وأحقاد واحزاب ؛

و من مات .. بديّنا الندم في وفاته ..

----------------

والله كبرتي وانا اللي خابرك طفله -

 آتلى عهَد خافقي من ماضي أيامك ،

 من بعد مات الهوى جيتي على غفله -

ياليتني داري إني/ فارس احلامك :(    

--------------------

  

 
جميع الحقوق محفوظة لدى موقع الشاعر مرزوق الروقي